Кошаркарите на Феникс ги победија Голден Стејт на гости со 125:113, со што Санс ја прекинаа долгата серија од шест порази.
Микал Бриџис беше најдобар стрелец на Феникс со 26 поени, додека Дејмион Ли додаде 22 од клупата, вклучително и 14-14 од линијата за слободни фрлања. Најдобриот играч на Голден Стејт, Стивен Кари, се врати во тимот по повредата, постигнувајќи 24 поени а притоа имаше 5 успешни од 15 обиди за „тројка“. Најдобри играчи кај домаќините беа Клеј Томпсон со 29 и Џордан Пул со 27 поени, со пет скока и шест асистенции.
Лос Анџелес Клиперс, кој исто како и Феникс загуби шест натпревари со ред, изминатата ниќ пред своите гледачи ги победија Далас Маверикс со 113:101.
Првото име кај домашните беше Кави Леонард, кој постигна 33 поени, придодадејќи девет скокови, четири асистенции и една украдена топка.
Како и обично, Словенецот Лука Дончич ги предводеше Далас со 43 поени, 11 скока и седум асистенции. Сепак, Дончил ја немаше вистинската поддршка од соиграчите, па негативата од 22 поени на полувремето беше кобна за гостите на овој меч.
Детроит Пистонс претрпеа тежок пораз кај Филаделфија 76ерс, каде прими дури 147 поени. 76-ките славеа со 147:116, а во третата и четвртата четвртина одбраната на Детроит постигна по 40 или повеќе поени. Џоел Ембиид постигна 36 поени со 11 скокови.
Во тензична завршница, Мајами Хит ги совладаа Оклахома Сити Тандер со 112:111 благодарение на 35-те поени на Џими Батлер, а Мајами постави нов рекорд во НБА на овој натпревар бидејќи неговите играчи ги погодија сите 40 слободни фрлања. Претходниот рекорд го држеше Јута Џез во 1982 година со 39 од 39 од линијата за слободни фрлања.
Паскал Сијакам имаше одлична партија за Торонто Рапторс во победата над Шарлот Хорнетс со 132:120. Сијакам постигна 28 поени со осум скокови и седум асистенции. Донован Мичел се врати на паркетот во Солт Лејк Сити, но неговиот нов тим Кливленд Кавалирс беше поразен од Јута Џез со 114-116. На Кливленд не му помогнаа ниту 46-те поени на Мичел.
РЕЗУЛТАТИ
Филаделфија – Детроит 147:116
Мајами – Оклахома Сити 112:111
Торонто – Шарлот 132:120
Јута – Кливленд 116:114
Голден Стејт – Феникс 113:125
Портланд – Орландо 106:109
ЛА Клиперс – Далас 113:101
ТАБЕЛИ
Источна конференција
1. Бостон Селтикс 29 12
2. Бруклин Нетс 27 13
3. Милвоки Бакс 26 14
4. Филаделфија 76ерс 25 15
5. Кливленд Кавалирс 26 16
6. Индијана Пејсерс 23 18
7. Њујорк Никс 22 19
8. Мајами Хит 22 20
9. Атланта Хокс 19 21
10. Чикаго Булс 19 22
11. Торонто Репторс 18 23
12. Вашингтон Визардс 17 24
13. Орландо Меџик 16 26
14. Шарлот Хорнетс 11 31
15. Детроит Пистонс 11 33
Западна конференција
1. Мемфис Гризлис 27 13
2. Денвер Нагетс 27 13
3. Њу Орлеанс Пеликанс 25 16
4. Далас Маверикс 23 19
5. Сакраменто Кингс 21 18
6. Лос Анџелес Клиперс 22 21
7. Феникс Санс 21 21
8. Голден Стејт Вориорс 20 21
9. Минесота Тимбервулфс 20 21
10. Јута Џез 21 23
11. Портланд Трејл Блејзерс 19 21
12. Лос Анџелес Лејкерс 19 22
13. Оклахома Сити Тандер 18 23
14. Сан Антонио Спарс 13 28
15. Хјустон Рокетс 10 30
