Кошаркарите на Минесота Тимбервулвс ги победија Далас Маверикс со 105:100 на гости во натпреварот број 4 од финалето на Западната конференција и ја намалија својата серија од четири победи на 1-3.
По водството од 3-0, Далас имаше шанса да ја затвори серијата пред своите навивачи во центарот на „Американ Ерлајнс“, но победата на Минесота ја расипа веќе подготвената прослава на домаќините.Петтиот натпревар е за два дена во Минеаполис, каде што домаќините ќе бараат втора победа и продолжување на нивните надежи да станат првиот тим во историјата на НБА што ќе се врати по негативата од 0-3.
„Сакавме само да победиме еден натпревар и да ја продолжиме серијата. Не сакав да бидам поразен. Не на нивниот домашен терен, слушајќи ги нивните навивачи како зборуваат глупости по цел ден“, изјави Ентони Едвардс кој со 29 поени, 10 скока и девет асистенции, беше најдобар играч во гостинската екипа.
„Никогаш не сме загубиле три меча по ред досега во плејофот. Никогаш не сме загубиле четири по ред“, додаде тренерот на Тимбервулвс, Крис Финч.
Карл Ентони Таунс додаде 25 поени кај гостите, додека Руди Гобер забележа 13 поени и 10 скока.
На спротивната страна најефикасен беше Лука Дончиќ кој оствари „трипл-дабл“ со 28 поени, 15 скока и 10 асистенции. Кајри Ирвинг постигна 16 поени, а Даниел Гифорд 12 поени, шест скока и осум асистенции.
„Едноставно немаше доволно енергија, но победија еден натпревар. Мораме да се концентрираме на следниот тест“, изјави по натпреварот Дончиќ.
На истокот, Бостон веќе го доби големото финале победувајќи ја Индијана со 4-0.
