Јута Џез им го нанесе 25-от пораз во низа на Детроит Пистонс, совладувајќи ги синоќа со 119:111, со што франшизата од Детроит дојде на прагот да го израмни најлошиот рекорд во историјата на НБА лигата.
Најдобар поединец на Јута беше Кели Олиник со 27 поени, шест асистенции и четири украдени топки. Кејд Канингем го предводеше Детроит со 28 поени, 10 асистенции и шест скока, но имаше и шест загубени топки. Џејден Ајви додаде 24 поени и седум асистенции.
Прекината е серијата од деввет победи на Лос Анџелес Клиперс, синоќа беа подобри од нив со 134:115 беа домашните Оклахома Сити Тандер. Шаи Гилџес-Александер постигна 31 поен и ги предводеше Оклахома Сити до третата последователна победа. Кај Клиперс најдобар беше Џејмс Харден со 23 поени, Пол Џорџ додаде 22, а Расел Вестбрук забележа 15 поени и 13 скока.
Милвоки Бакс им го нанесоа четвртиот последователен пораз на Орландо Меџик, победувајќи ги на домашен терен со 118:114. Јанис Адетокумбо ги предводеше Бакс до победата со 37 поени и 10 скока, а Демијан Лилард додаде 24 поени. Крис Мидлтон и Брук Лопез беа уште единствените двоцифрени стрелци на Бакс со по 14 поени. Паоло Банкеро постигна 23 поени за Орландо, а Мориц Вагнер влезе од клупата и впиша 21 поен и осум скока.
Минесота Тимбервулфс на домашен терен ги победија Лос Анџелес А Лејкерс со 118:111 и се израмнија со водечкиот НБА тим Бостон Селтикс по победи и порази (21-6). Ентони Едвардс постигна 27 поени, забележа седум скока и пет асистенции за Минесота, Карл-Ентони Таунс додаде 21 поен, а Руди Гобер забележа „дабл-дабл“ учинок со 15 поени и 13 скока. Ентони Дејвис беше најдобриот поединец на Лејкерс, натпреварот го заврши со 31 поен на кои додаде и осум скока.
Вашингтон Визардс на гости го победија Портланд Трејл Блејзерс со 118;117. Кајл Кузма постигна 32 поени со осум скока и шест асистенции за победата на гостите, а Вашингтон во ниту еден момент не заостанува зад домаќинот. Тајус Џонс постигна пет „тројки“ и впиша 24 поени, додека Даниел Гафорд имаше 16 поени, осум скока, шест блокади за трета победа на Вашингтон во 20 натпревари. Анферни Симонс постигна рекордни 41 поен за Портланд, кој загуби осми пат во девет игри.
Чикаго Булс го победија Сан Антонио Спарс со 114:95. Коби Вајт постигна 22 поени во третата последователна победа на Чикаго, а Девин Васел ги предводеше Спарс со 21 поен. Сан Антонио загубија три последователни натпревари и 21 од претходните 22.
Њу Орлеанс Пеликанс на домашен терен го победија Кливленд Кавалирс со 123:104. Треј Марфи Трети постигна рекордни 28 поени за Њу Орлеанс, а Си Џеј МекКолум додаде 18 поени.
Мемфис Гризлис со 116:103 го победија гостувањето кај Индијана Пејсерс, а најзаслужен за победата беше Дезмонд Бејн, кој во вториот дел постигна 22 од своите 31 поен. Оби Топин постигна 22 поени за Индијана, која загуби по петти пат во последните шест натпревари.
