Бостон Селтикс, најдобриот тим во НБА лигата во моментов, забележа нова победа, совладувајќи ги Торонто Рапторс со 105:96.
Ова беше 31-ва победа за Бостон во сезоната, а целата петорка постигна двоцифрен број поени на гостувањето во Канада. Најмногу постигнаа Џру Холидеј и Дерик Вајт, по 22 поени, но прво име за Бостон беше Џејсон Тејтум, кој имаше 19 поени, 14 скока и шест асистенции. Најдобар стрелец кај Торонто беше РиЏеј Барет со 24 поени, девет скока и четири асистенции. Тоа беше четврти пораз во низа за Торонто.
Позитивната серија од четири победи заврши за Оклахома Сити, Лос Анџелес Лејкерс беа подобри од Тандер кои на домашен терен победија со 112:105. Стандардно, Ентони Дејвис и Леброн Џејмс беа заслужни за успехот на Лејкерс. Првиот постигна 27 поени, 15 скока и пет асистенции, додека вториот постигна 25 поени и додаде шест асистенции и седум скока.
Во гостинскиот тим за истакнување се само Шаи Гилџеус-Александер со 24 поени и шест асистенции и Џејлен Вилијамс, кој постигна 25 поени со исто толку додавања.
Кливленд е во добар ритам, со успехот од 109:91 против Чикаго, ја забележа петтата победа во низа. Натпреварот го реши Кливленд веќе по воведните 12 минути, кога побегна на 40:21. Одличен во редовите на Кавс беше Донован Мичел, кој постигна 34 поени со седум асистенции.
Мајами го победи Бруклин на гостински терен со 96:95 по продолжението. За Бруклин, Бриџис го промаши шутот за победа во последната секунда, па неговите 26 поени, шест асистенции и девет скока беа без ефект. Мајами до победата го предводеа Џими Батлер и Тајлер Херо, кои заедно постигнаа повеќе од половина од поени на победничката екипа, Батлер постигна 31 поен, а Херо постигна 29 поени.
И без Лука Дончиќ, Далас беше подобар од Њу Орлеанс со 125:120, а прекрасна заедничка ноќ имаа Кајри Ирвинг и Тим Хардавеј. Ирвинг постигна 42 поени, а Хардавеј 41. Ирвинг имаше седум скока и асистенции, додека Хардавеј стрелаше за 9-15 за „тројки“.
Слично беше расположен и Џоел Ембиид, кој ја предводеше Филаделфија до победа на домашен терен против Хјустон со 124:115 со 41 поен. Добро го следеше Тајрис Макси, кој шутираше 6-10 тројки и застана на 27 поени.
