НБА лига: Порази на тимовите од Лос Анџелес

Серијата на Лос Анџелес Клиперс од девет победи на домашен терен беше прекината, откако синоќа доживеаја пораз од Минесота Тимбервулфс со високи 80:108.

Ентони Едвардс впиша 16 поени, Џош Минот 13, а Џејден МекДаниелс и Мајк Конли имаа по 11 за Минесота. Боунс Хајланд ни, а Дерик Џонс Џуниор додаде 14 за Клиперс, кои повторно останаа без нивниот водечки стрелец, Норман Пауел.

Тимбервулфс рано се одлепија, поведоа со двоцифрена разлика 22:12 и ја зголемија на 33:14 на крајот од првата четвртина. Минесота водеше со дури 29 поени разлика во втората четвртина и на полувремето замина со предност од 59:32. На почетокот на вториот дел Тимбервулфс ја зголемија предноста на 30 поени и поведоа со дури 41 поен разлика на 86:65 на две минути пред крајот на третата четвртина.

Пораз синоќа претрпе и другиот тим од Лос Анџелес, Мајами Хит на домашен терен ги победија Лејкерс со 139:93. Тајлер Хиро постигна 21 од своите 31 поен во третата четвртина за Мајами Хит. Џими Батлер, кој го пропушти претходниот натпревар на Мајами поради повреда на коленото, додаде 17 поени, девет скока и пет асистенции. Бам Адебајо забележа 14 поени, 10 скока и седум асистенции. Леброн Џејмс ги предводеше Лејкерс со 29 поени и 8 асистенции, но Ентони Дејвис, кој е седми стрелец во НБА со просек од 27,8 поени, го заврши натпреварот со само осум поени.

Во првата четвртина, Мајами на почетокот заостануваше пред да започне серија од 14:0 за да поведе со 17:6 и да поведе со 34:26 на крајот од првата четвртина. Хит ја зголемија предноста на 21 поен во втората четвртина и на полувремето заминаа со предност од 69:52. Хит го зголемија своето водство на 105:72 до крајот на третиот период.

Бостон Селтикс ги победија Детроит Пистонс со 130:120, а до победата ги предводеше Џејлен Браун со 28 поени и девет асистенции. Кристапс Порзингис додаде 26 поени и девет скока, а Сем Хаузер реализираше 5 од 10 обиди за три поена во вкупно неговите 20 поени за Селтикс, кои ја продолжија својата домашна победничка серија на шест натпревари и победија по деветти пат во 10 натпревари. За Детроит ова е трет последователен пораз. Кај Пистонси Кејд Канингем собра 27 поени, девет скока и 14 асистенции, а исто толку поени постигна и Тобијас Харис.

Орландо Меџик ги победи Филаделфија 76ерс со 106:102 благодарение на Франц Вагнер, кој постигна 35 поени. Дебитантот Џеред Мекејн постигна 24 поени за Филаделфија, која беше без Џоел Ембиид (колено) и Пол Џорџ (колено). Резултатот беше изедначен 53:53 на полувремето и 74:74 по три четвртини, а Меџик постигна 10 од првите 12 поени во последната четвртина Орландо поведе со 97:87 на четири минути до крајот кога Филаделфија тргна во серија од 13:4, но потоа Кентавиус Колдвел-Поуп погоди две слободни фрлања на осум секунди до крајот за водство на Меџик од 103:100.

Атланта Хокс ја прекина серијата од седум победи на Милвоки Бакс победувајќи ги на гости со 119:104. Џејлен Џонсон постигна 23 поени за Атланта, а Де’Андре Хантер постигна 20. Јанис Адетокумбо постигна 31 поен за Бакс. Демијан Лилард додаде 25 со пет асистенции.

РЕЗУЛТАТИ

Бостон Селтикс – Детроит Пистонс 130:120
Бруклин Нетс – Индијана Пејсерс 99:90
Мајами Хит – Лос Анџелес Лејкерс 134:93
Филаделфија 76ерс – Орландо Меџик 102:106
Милвоки Бакс – Атланта Хокс 104:119
ЛА Клиперс – Минесота Тимбервулфс 80:108

ТАБЕЛИ

ИСТОЧНА КОНФЕРЕНЦИЈА

АТЛАНТСКА ДИВИЗИЈА

  1. Бостон Селтикс 17 4.810 —
  2. Њујорк Никс 13 8 .619 4
  3. Бруклин Нетс 9 13 .409 8 1/2
  4. Торонто Репторс 7 15 .318 10 1/2
  5. Филаделфија 76ерс 5 14 .263 11

ЦЕНТРАЛНА ДИВИЗИЈА

  1. Кливленд Кавалирс 19 3.864 —
  2. Милвоки Бакс 11 9 .550 7
  3. Чикаго Булс 9 13 .409 10
  4. Индијана Пејсерс 9 13 .409 10
  5. Детроит Пистонс 9 14 .391 10 1/2

ЈУГОИСТОЧНА ДИВИЗИЈА

  1. Орландо Меџик 15 8.652 —
  2. Атланта Хокс 11 11 .500 3 1/2
  3. Мајами Хит 9 10 .474 4
  4. Шарлот Хорнетс 6 15 .286 8
  5. Вашингтон Визардс 2 17.105 11

ЗАПАДНА КОНФЕРЕНЦИЈА

ПАЦИФИЧКА ДИВИЗИЈА

  1. Лос Анџелес Клиперс 14 9.609 —
  2. Феникс Санс 12 8 .600 0 1/2
  3. Голден Стејт Вориорс 12 8 .600 0 1/2
  4. Лос Анџелес Лејкерс 12 9.571 1
  5. Сакраменто Кингс 10 12 .455 3 1/2

ЈУГОЗАПАДНА ДИВИЗИЈА

  1. Хјустон Рокетс 15 7 .682 —
  2. Далас Маверикс 14 8 .636 1
  3. Мемфис Гризлис 14 8 .636 1
  4. Сан Антонио Спарс 11 10 .524 3 1/2
  5. Њу Орлеанс Пеликанс 4 18 .182 11

СЕВЕРОЗАПАДНА ДИВИЗИЈА

  1. Оклахома Сити Тандер 16 5.762 —
  2. Денвер Нагетс 11 8 .579 4
  3. Минесота Тимбервулфс 10 10 .500 5 1/2
  4. Портланд Трејл Блејзерс 8 14 .364 8 1/2
  5. Јута Џез 4 17 .190 12

ПОВРЗАНИ НАПИСИПОВЕЌЕ ОД АВТОРОТ