Копаркарите на Лос Анџелес Клиперс беа поразени на гостински терен кај Милвоки Бакс со 105:106, иако до самиот финиш имаа водство во еден од највозбудливте натпревари од синоќешната програма на НБА лигата.
Ивица Зубац имаше тешка задача да го чува Јанис Адетокумбо кој беше исклучително добро расположен, и беше исклучен поради неговиот шести фаул на 1,47 пред крајот при водство на Клиперс со 105:104. По тој фаул, Адетокумбо ги погоди двете слободни фрлања и го доведе својот тим во водство, а до крајот на натпреварот ниту една екипа не успеа да постигне кош.
Клиперси кон средината на третата четвртина имаа 21 поен предност (76:55), но потоа Адетокумбо се „разбуди“ и постигна 28 од вкупно 54 поени во последните 20 минути игра за голем пресврт.
Покрај 54-те поени, Адетокумбо впиша и 19 скокови, додека Крис Мидлтон додаде 16 поени за Бакс. Кај Клиперс најефикасен од клупата беше Норман Пауел со 26 удари, Каваи Ленард додаде 17 со 11 скока, но и имаше катастрофални 7 погодоци од 26 обиди од поле, а промаши два шута за водство и евентуална победа во последната 20 секунди од натпреварот..
Водечкиот тим на Западната конференција, Денвер Нагетс, на домашен терен ги совладаа шампионите Голден Стејт Вориорс со 134:117, пред сѐ, со одличната трета четвртина во која изгради предност од 35:22. Актуелниот двоен МВП на лигата Никола Јокиќ одигра уште една одлична партија со 22 коша, 16 асистенции и 14 скока, додека прв стрелец на Нагетс беше Џамал Мареј со 33 поени. Кај Вориорс, кои играа без Клеј Томпсон и Дрејмонд Грин, најефикасни беа Стивен Кари со 28 и Џордан Пул со 22 гола.
Далас Маверикс остварија важна победа во битката за плеј-офот против Њу Орлеанс Пеликанс, совладувајќи ги на домашен паркет со 111:106, но повредата на Лука Дончич може да ги загрижи. Одличниот Словенец мораше да ја напушти играта на средината на третата четвртина поради повреда на десната пета, која ја заработи при незгодно приземјување, а засега не се знае колку е сериозна повредата. А колку е важен Дончич за Мавс се виде и во остатокот од натпреварот, тој постигна 31 поен пред неговото прерано излегување од игра, а Мавс водеа со 84:57. Кога Дончич ја напушти играта, Пеликанс за малку ќе направија голем пресврт дури и иако имаа серија од девет последователни порази, а таа серија сега е зголемена на 10. На крајот, ниту 26-те поени, 9 скока и 7 асистенции на Брендон Инграм не ги спасија Пеликанс.
Многу тензично беше во Индијанаполис, каде Лос Анџелес Лејкерс направвија пресврт и победија со 112:111 против домашните Индијана Пејсерс. Пејсерс водеа со 96:84 по три четвртини, но кошот на Ентони Дејвис на половина минута пред крајот ги донесе Лејкерси во водство од 112:111, а Бади Хилд ја пропушти последната шанса за победа за домашниот тим промашувајќи шут за два. од аголот. Дејвис беше најдобар кај Лејкерси со 31 поен и 14 скока, Леброн Џејмс додаде 26 со седум скока и асистенции, додека кај Пејсерс најдобри беа Тајрис Халибартон со 26 прекини и 12 асистенции и Мајлс Тарнер со 20 поени и 13 скока.
РЕЗУЛТАТИ
Милвоки – ЛА Клиперс 106:105
Индијана – ЛА Лејкерс 111:112
Кливленд – Мемфис 128:113
Њујорк – Мајами 106:104
Чикаго – Шарлот 114:98
Далас – Њу Орлеанс 111:106
Денвер – Голден Стејт 134:117
ТАБЕЛИ
ИСТОЧНА КОНФЕРЕНЦИЈА:
Бостон 37 15 71,2
Милвоки 35 17 67,3
Филаделфија 33 17 66,0
Бруклин 31 20 60,8
Кливленд 32 22 59,3
Мајами 29 24 54,7
Њујорк 28 25 52,8
Атланта 26 26 50,0
Вашингтон 24 26 48,0
Чикаго 24 27 47.1
Индијана 24 29 45,3
Торонто 23 30 43,4
Орландо 20 32 38,5
Шарлот 15 38 28.3
Детроит 13 39 25,0
ЗАПАДНА КОНФЕРЕНЦИЈА
Денвер 36 16 69.2
Мемфис 32 20 61,5
Сакраменто 29 21 58,0
Далас 28 25 52,8
ЛА Клиперс 29 26 52,7
Минесота 28 26 51,9
Феникс 27 26 50,9
Јута 27 26 50,9
Голден Стејт 26 26 50,0
Њу Орлеанс 26 27 49.1
Портланд 25 26 49,0
ЛА Лејкерс 25 28 47.2
Оклахома Сити 24 27 47.1
Сан Антонио 14 38 26,9
Хјустон 13 38 25,5
