На дуелот помеѓу поранешните соиграчи и сеуште добри пријатели, Леброн Џејмс и Двејн Вејд, поуспешен беше “кралот” откако неговиот тим славеше со 114:88.
Ова всушност и не беше класичен дуел помеѓу нив, бидејќи во текот на втората четвртина Вејд заработи незгодна повреда на коленото, па до крајот на натпреварот остана во соблекувалната. Останува да се види дали се работи за некоја посериозна повреда, бидејќи без својот најдобар кошаркар тешко дека ќе успеат да изборат пласман во плеј-офот, особено што и другата ѕвезда во тимот, Крис Бош ја заврши сезоната поради повреда.
Инаку најефикасни во редовите на Кливленд беа Леброн Џејмс и Кајри Ирвинг со по 23 поени, со тоа што Џејмс имаше и 8 скока и 7 асистенции. Во поразената екипа Луол Денг и Хасан Вајтсајд имаа по 17 поени и 8 скока.
НБА Резултати:
Далас – Хјустон 101:108
Голден Стејт – Феникс 107:106
Кливленд – Мајами 114:88
