Украинскиот лидер Володимир Зеленски, во однос на телефонски разговор на американскиот претседател Доналд Трамп со неговиот руски колега Владимир Путин, рече дека „не е пријатно“ што прво не бил контактиран Киев.
Во средата, Трамп и Путин го одржаа својот прв разговор откако американскиот претседател се врати на функцијата, разговарајќи за можните чекори кон преговорите за ставање крај на украинскиот конфликт. Во соопштението во четвртокот, Кремљ го опиша 90-минутниот разговор како „конструктивен“, при што двајцата лидери се согласија наскоро да се сретнат во трета земја.
По неговиот разговор со Путин, Трамп стапи во контакт со Зеленски, по што објави дека Киев е подготвен да бара прекин на конфликтот со Русија.
Коментирајќи го телефонскиот разговор Путин-Трамп во разговор со новинарите во четвртокот, Зеленски инсистираше на тоа дека Киев мора да биде вклучен во какви било преговори. „Нема да прифатиме никакви билатерални преговори за Украина без нас“, нагласи тој.
Тој го опиша својот разговор со Трамп како „навистина добра дискусија од скоро еден час“, но повтори дека „не е пријатно“ што првин бил контактиран Путин.
„Повиците се повици, разбирам сè, но состаноците се приоритет за нас. Украина-Америка и само по таквите состаноци, откако ќе развијат план за запирање на Путин, верувам дека е фер да се разговара со Русите“, рече Зеленски.
За време на неговата претседателска кампања, Трамп постојано ветуваше дека брзо ќе стави крај на руско-украинскиот конфликт. Откако стапи на функцијата минатиот месец, републиканецот зазеде сосема поинаков пристап кон неговиот претходник Џо Бајден.
Трамп ја критикуваше американската помош за Киев и инсистира на тоа дека Москва мора да биде дел од разговорот за прекин на непријателствата, сугерирајќи дека САД би можеле да ги користат санкциите и задржувањето на американската поддршка како потпора.
Американскиот претседател тврди дека ја разбира загриженоста на Русија за пристапување на Украина во НАТО и изјави дека Киев нема да стане дел од блокот.
Русија е отворена за преговори, но инсистира на тоа дека клучните прашања, како што се амбициите на Украина за НАТО, мора да се решат. Во исто време, Путин исто така рече дека Москва не може да потпише договор со Зеленски, бидејќи тој повеќе нема легитимитет како лидер на земјата.
Трамп наласи дека Киев на крајот ќе мора да одржи избори и истакна дека Зеленски можеби нема да види друг мандат бидејќи според анкетите, неговиот рејтинг „не е особено голем, благо кажано“.
