Потребни состојки:
300г телешко месо
50г пршута
50г шампињони
1 јајце
1 главичка кромид
За панирање:
1 јајце
2 големи лажици пармезан
1 голема лажица брашно
сол
малку мајчина душичка
лебни трошки
Начин на приготвување
Исечете го телешкото месо на резанки и потоа со помош на кујнски чекан добро истолчете ги. Месото малку пресечете го преку жилите, за да не се собира при панирањето.
Во тава пропржете малку кромид, а потоа додајте ги исечканите шампињони. По 7–8 минути, откако шампињоните ќе го намалат својот волумен, додајте ја претходно исечканата пршута и гответе уште малку. Потоа, додајте јајце и добро измешајте.
Наполнете ги парчињата телешко месо со оваа смеса и прицврстете ги со чепкалки. Направете смеса за панирање од јајца, пармезан, брашно и малку мајчина душичка. Парчињата месо прво натопете ги во оваа смеса, потоа во лебните трошки. Печете на умерена температура, секоја страна од парчето по 10 минути.
Банана торта
Состојки:
4 пудинга од ванила
1 литар млеко
15 лажици шеќер
Состојките се варат, убаво да се згуснат и смесата се остава да се олади.
Откако ќе се олади се додаваат два изматени маргарина со 250 гр шеќер во прав, 300гр кршени бисквити, 300гр кокос, 1 кг банани сечени на кругови. Сето ова заедно се меша и се става во фрижидер малку да се стегне. Потоа се обликува по желба и одозгора се филува со шлаг крем.
Пријатен апетит!
