Таткото на ѕверски убиената Тијана, Игор Јуриќ изјави дека нема да се помири со казна помала од 40 години затвор.
– Нема да се помириме со казна помала од 40 години затвор. Верувам дека убиецот, кој нашата Тијана не го предизвикала со никаква постапка, ќе добие максимална казна и дека за него нема да постои помилување. Секоја друга казна ќе биде пораз за нас, но и за државата, изјавил Игор Јуриќ.
Таткото Игор за време на сведечоњето за убиството на неговата ќерка сакал да се сретне со убиецот.
– Се надевав дека во судницата ќе го видам тој Драган Ѓуриќ. Сакав да го погледнам во очи и да го прашам зошто ми го уби детето, но тој не се појави, изјавил несреќниот татко.
Родителите на Тијана, Игор и Мирјана вчера беа сослушани во Вишиот суд во Суботица, каде освен монструмот Драган не присуствувал дури ни неговиот адвокат.
Јуриќ додал дека е загрижен за тоа кој го плаќа адвокатот на монструмот Драган Ѓуриќ.
-Неговите роднини велеа дека тој нема пари, а сега ангажира еден од најскапите адвокати во Србија, посочил Игор, додавајќи дека тој што го спонзорира Драган, според него, е соучесник во убиството иако не бил на местото на злосторот.
Сослушувањето за несреќниот татко било многу тешко и исцрпувачко, тој нагласил дека никој не може да замисли како се чувствувал во тој момент.
– Тоа што дознав како се случило убиството на мојата Тијана уште повеќе ме погоди и дури сега планирам да започнам вистинска борба, заклучил Игор Јуриќ.
