Владејачката партија Ликуд го обвинува лидерот на Отзма Јехудит и Министер за национална безбедност Итамар Бен Гвир, за објавување приватни разговори, откако хебрејските медиуми објавија дека премиерот Бенјамин Нетанјаху понудил да го вклучи екстремно десничарскиот министер во ограничена група членови на владата кои добиваат безбедносни информации.
Написите во медиумите се „полни со лаги“, вели Ликуд. „Премиерот Нетанјаху му кажа на министерот Бен Гвир една едноставна работа: кој сака да биде партнер во ограничен тим за консултации за безбедноста, мора да докаже дека не објавува државни тајни или приватни разговори“.
Како одговор, Отзма Јехудит изјави дека го поддржува законот со кој се бара од членовите на кабинетот да се подложат на полиграфски тестови.
Претходно оваа недела, Нетанјаху објави дека воениот кабинет – мал форум создаден на 11 октомври за управување со воените дејствија против Хамас и Хезболах – бил официјално распуштен по излегување на лидерот на Националното единство Бени Ганц од коалицијата.
Бен Гвир, член на безбедносниот кабинет, но не и на помалиот воен кабинет, во текот на војната негодуваше за тоа што премиерот го изостави од форумите за одлучување.
Тој побарал да биде полноправен член на новиот воен кабинет и да биде дел од донесувањето одлуки, а не само да добива известувања.
