Израелскиот премиер, Бенјамин Нетанијаху утре ќе почне со посетата на Европа при која ќе се обиде да добие поддршка на клучните сојузници за измена на меѓународниот нуклеарен договор со Иран, но и за протерување на иранските сили од соседна Сирија.
Нетанијаху треба да се состане со водачите на Германија, Франција и Велика Британија, пренесува АП.
Неговата прва станица во текот на турнејата ќе биде Германија, каде што треба да се сретне со германскиот канцелар Ангел Меркел.
Потоа ќе отпатува во Франција, каде што со претседателот Емануел Макрон ќе присуствува на церемонија на која се одбележува 70 години постоење на израелската држава, и во крајот ќе отиде во Велика Британија за да се сретне со премиерот Тереза Меј.
Обраќајќи се денес на членовите на неговиот кабинет, Нетанијаху изјави дека Иран ќе биде на врвот на агендата за време на неговиот посета на Европа и најави дека се надева дека посетата ќе биде успешна.
