Невреме со обилен дожд ги погоди денеска Котор и Тиват, што предизвика големи проблеми во сообраќајот.
Крајбрежните улици и во Тиват се под вода, а слична е состојбата во Котор, каде што возилата се движат низ поплавените улици.
Дирекцијата за вонредни состојби на Министерството за внатрешни работи на Црна Гора предупреди дека од денеска до понеделник се очекуваат нестабилни временски услови со врнежи од дожд, грмежи и засилен ветер.
