Полицијата во Никарагва уапси уште четворица свештеници во саботата, со што вкупниот број се искачи на 12 во изминатите три дена, известуваат локалните медиуми а потврдил за Reuters висок функционер на Католичката црква запознаен со ситуацијата.
Претседателот на Никарагва, Даниел Ортега, кој владее со централноамериканската земја од 2007 година, започна пресметка со Католичката црква и политичките ривали.
Свештениците Микел Монтереј, Херардо Родригез и Раул Замора, заедно со монсињор Мигел Мантица од едно од најбогатите семејства во Никарагва, биле уапсени во нивните домови, рекол изворот ја агенцијата.
Меѓу уапсените се и двајца свештеници, Монтереј и Замора, кои ги отворија вратите на нивните парохии за студентите од двата универзитета коишто владините сили ги нападнаа во 2018 година.
Вкупно дванаесет свештеници и бискупот Исидоро Мора беа уапсени последните денови. Во август 2022 година, бискупот Роландо Алварез беше уапсен и осуден на 26 години затвор.
Од протестите во 2018 година, Ортега ги обвини свештениците за заговор за државен удар, а бискупите побараа од претседателот правда за оние кои ги загубија животите во протестите и одржување предвремени избори.
