Голманот на Порто и нашата ракометна репрезентација Никола Митревски ја доби довербата и кај новиот селектор Кирил Лазаров.
Митревски потенцира дека ова е ново искуство за нив, но и дека Лазаров и стручниот штаб треба да ја добијат потребната поддршка од сите репрезентативци.
„За сите нас ова искуство е ново, Лазаров и стручниот штаб мора да добијат поддршка од сите нас, да пробаме што побрзо да ги вклопиме новите сегменти во играта во пракса, тоа што го спремаме на видео. Краток е периодот до мечот со Данска, но мислам дека со тек на време тоа ќе биде се подобро. Секогаш има простор за напредок, без разлика колку екипата била лоша или добра. Ќе го чекаме мечот со Данска да видиме колку сме се подобриле од СП. Сè уште се комплетираме, денес почнаа да тренираат четворица, ни фали уште Пешевски. Добро се работи и се подготвуваме, сите сме желни да видиме што и како ќе прикажеме против Данска“, рече Митревски.
