Српскиот центар, Никола Јокиќ прифати нов договор со екипата на Денвер Нагетс. Иако фановите на клубот од Колорадо се плашеа дека ѕвездата ќе замине, до тоа нема да дојде.
Јокиќ ќе парафира петгодишна соработка со Нагетси, а ќе го потпише најбогатиот договор во историјата на НБА лигата. Србинот за петте години треба да заработи огромни 270 милиони долари, што е рекорд во најсилната кошаркарска лига на светот. Останува уште официјализација на потписот, но веста ја потврдија сите угледни медиуми, како и познатиот Адриен Војнаровски.
Denver Nuggets two-time MVP Nikola Jokic has agreed to the largest deal in NBA history – a five-year, $270M super maximum contract extension, his agents Jeff Schwartz and Mike Lindeman of @Excelbasketball tell ESPN. Deal includes player option and trade kicker.
— Adrian Wojnarowski (@wojespn) July 1, 2022
Јокиќ двапати во низа го освојуваше МВП признанието по регуларниот дел од сезоната во НБА лигата. Оваа сезона бележеше просек од 27,1 поени и 13,8 скока по натпревар, а Денвер мора да размисли како да го засили тимот за да почне да се бори за успеси.
