-Состојбата во здравството е комплицирана и воопшто не е розева, се е пуштено по една инерција. Општа констатација е дека кај речиси сите активности во превентивните програми се бележи тренд на опаѓање. И оваа година кога имаме дополнително намалување на буџетот за здравство. Или има и премалку пари и лошо насочени пари во здравството, и тоа го чувствуваат граѓаните. Исто така се одвојуваат средства за администрација во здравство, а речиси воопшто за медицински кадар, рече доктор Игор Николов, претседател на Комисијата за здравство на ВМРО-ДПМНЕ на гостување во емисијата „Што не е јасно“ на телевизија Алфа.
Николов се осврна на се она што недостига во здравството.
„Нема доволно средства за пациентите со ретки болести, пациенти додека стигнат до потребниот лек умираат, принудени се лекови на свој трошок да набавуваат надвор од земјава. Потоа нема ревидирање на позитивната листа на лекови за пациентите и осигурениците како што се ветуваше во планот за живот и се најавуваше на големи врати и многу други работи во кои треба да се инвестира. Позитивната листа на лекови не е обновена десет години веројатно тоа е поради дефицит на средства. Сето ова е резултат на аогантно однесувања на власта“, посочи Николов.
Според него прекинувањето на договорот за новиот клинички центар е голема стратешка грешка. Сето ова доведе до плаќање на огромни суми пенали кои според пласираните информации во движење се од 8 милиони евра до 20 милиони евра, а кој знае колку ќе достигнат.
„Доколку се реализираше планот за клиничкиот центар во рамки на кампусот Мајка Тереза ќе имавме структурно подобрување. А што направија кажуваа опции и на крај одредија една локација која ја промовираа само како простор и најавија нов ултрамодерен клинички со 20 операциски сали, а исто толку има и сега во клинички, и се поставуваше прашање што е ултрамодерно. И сега треба да се платат пенали за неградење. За плаќаерто пенали ние одамна алармиравме, но Владата и сега се покажа незаинтересирана за тоа или не е заинтересирана да ги заштити парите на граѓаните“, заклучи Николов.
Докторот укажа дека за болните од ретки болести секоја година терапијата чини милион евра, е сега Владата треба да плати пенали и да нема за нив терапија во наредените десеттина години.
За ретки болести сумата околу милион евра и сега Владата им ги одзема за најмалку осум години, а кој знае колку ќе достигне сумата бидејќи веќе и слушаме за високи суми за отштета.