Министерот за земјоделие Љупчо Николовски пред беровските земјоделци и сточари во неделата најави најави сет мерки коишто според него ќе влијаат на подобрување на положбата на земјоделците и сточарите во 2019 година.
Како што истакна Николовски, во Министерството во тек е програмирањето на буџетот кој за наредната година изнесува 17 милиони евра што покажува дека земјоделството е сектор со континуиран раст на средствата.
„Во делот на законот на земјоделско земјиште очекуваме предлози од сите подрачни единици за кои општини, каде има интерес. Во тој во однос на јавниот повик за неатрактивни површини, од четврта, петта, шеста и седма класа.Верувам дека тоа ќе биде од огромен интерес за сточарите“, рече Николовски.
Додаде дека заврши постапката за дополнителната мерка за пристапни патишта за која имало огромен интерес од општините.
„Оваа година првпат промовиравме мерка за пристапни патишта каде во висина од 30 милиони денари дополнителна мерка од Министерството имаат од агеницијата. Имаше голем интерес за пристапни патишта од страна на општините и од страна на регионалните центри за развој кои што може да аплицираат, голем број на проекти стигнаа и сега во наредниот период следува склучувањето договори“, рече Николовски.
Како што информираше министерот за земјоделство, успешно заврши и проектот за дигитализирање на пасиштата.
„Проектот за ортофото снимање во државата е завршен, при што се дигитализирани 450 илјади хектари пасишта. Ова е нова информација и ова првпат се спроведува од страна на министерството. Особено за нас се значајни пасиштата затоа што со самото влегување во Европската унија државата ќе добива пакет средства во однос на тоа колку површина има. Затоа брзавме за таа постапка“, појасни Николовски.
Пред беровските земјоделци и сточари беше презентирана и мерката со која во 2019 година од Министерството за земјоделство ќе бидат одвоени околу 690.000 евра кои ќе бидат наменети за колектори и агрегати за обзебедување електрична енергија за трла со овци.
