Утрински температури под нулата се очекуваат и во текот на следните денови. Во текот на денот, температурите ќе бидат во пораст, но сепак утринските ќе бидат негативни, наместа и под минус 10 Целзиусови степени.
Синоптичарите за среда најавуваат сончево време со мала до умерена облачност и со многу ниски утрински температури. Според прогнозата на УХРМ, утре минималните температури ќе се движат од -7 до -20 степени. Во вечерните и ноќните часови во источните делови од државата ќе провејува повремен слаб снег.
Во следните денови времето ќе биде стабилно. Дневните температури ќе бидат во пораст, но минималните ќе останат под нулата. По одделни котлини можна е појава и на утринска магла.