Началникот на командата на северноамериканската воздушна одбрана NORAD, Глен ван Херк, не ја исклучува можноста дека неидентификувани летечки објекти соборени последните денови во воздушниот простор на САД би можело да имаат вонземско потекло, но истакна дека разузнавачките агенции би требало да го донесат конечниот заклучок за инцидентите.
Изминатите три дена американските борбени авиони пресретнаа три цели на големи надморски височини со непознато потекло над Алјаска, Канада и езерото Хјурон меѓу двете земји. Американското воено воздухопловство во саботата крена борбени авиони над сојузната држава Монтана за да истражат аномалија којашто се појавила на радарот. Заедничката американско-канадска северноамериканска одбранбена команда NORAD подоцна објави дека пилотите не пронашле ништо сомнително.
Во текот на посебниот брифинг со новинарите ноќта кон понеделникот по македонско време, ван Херк бил запрашан дали војската е подготвена целосно да ја исклучи верзијата за вонземско потекло на објектите соборени на небото над САД. Според новинарот кој го поставил прашањето, за тоа прашање американската јавност покажала голем интерес.
„Ви благодарам за вашето прашање. Ќе препуштам разузнавањето и контраразузнавањето да донесат заклучоци во врска со тоа. Лично јас во моменталната фаза не исклучувам никаква верзија“, рекол американскиот воен функционер.
Во продолжение додал дека продолжуваат процените на „секоја закана или потенцијална закана којашто се приближува до Северна Америка и правиме напори да ги индентификуваме“.
Според челникот на NORAD, американската војска сѐ уште не утврдила на кој начин се одржувале во воздухот соборените летачки објекти на северот на САД и оти не се сигурни дека станува збор за балон за надзор.
„Не сум во можност да објаснам како се движеле во воздушниот простор. Можно е структурите да биле балони исполнети со гас или погонски систем од некој друг тип. Сепак, очигледно е дека се одржувале во воздухот“, истакнал ван Херк.
Телевизиската мрежа CNN претходно цитираше пилоти кои полетале за пресретнувањата на објектите коишто рекле дека не можеле со визуелен контакт да утврдат каде се наоѓаат моторите на летачките објекти.
Ван Херк истакна и дека објектите не претставувале закана, како и дека нема да ги нарекува балони: „Ги нарекуваме објекти со причина“. Станува збор за „многу, многу мали објекти“ кои слабо се прикажуваат на радарите, истакна додавајќи дека сега разузнавачките агенции треба да сфатат што објектите точно претставуваат.
Меѓутоа безбедносни функционери набрзо потоа го отфрлиле тоа тврдење, велејќи дека никој не смета дека тие објекти не се од вонземско потекло, пишува The New York Times.
Весникот пишува и дека американските и канадските војски ја зајакнале контролата на воздушниот простор откако наводни кинескиот шпионски балон влегол на нивните територии. NORAD го прилагодил својот радарски систем за да биде почувствителен на објекти, пишува NYT.
Челникот на тесното демократско мнозинство во Сенатот, Чак Шумер, за телевизијата ABC News изјави дека американските функционери мислат дека двата летечки објекти, од кои првиот е соборен над замрзнатото море над северот на Алјаска во петокот, а вториот над Јукон во саботата, се всушност балони.
„Веруваат дека биле (балони) да,… но значително помал од првиот“, изјави Шумер а Балата куќа сако кусо објави дека неодамна соборените предмети „не наликуваат многу“ на кинескиот балон.
Меѓутоа, објектот соборен во неделата над езерото Хјурон, на американско-канадската граница., имал осмоаголна форма, изјави конгресменот Џек Бергман за телевизиската мрежа Fox News, а истата информација за медиумите ја потврдиле и други високи американски функционери.
