Откако примиле прва доза од вакцината на фармацевтската компанија Фајзер, 13 Израелци добиле пареза фацијалис, пишуваат денеска медиумите во Израел, а пренесува BgNews.
Иако оваа бројка е незначителна од бројот на вакцинирани, (досега во Израел се вакцинирани над 2 милиона), сепак лекарите сметаат дека бројот е можеби и поголем, иако само 13 досега имаат симптоми на пареза.
За нус-ефектот од вакцината сведочи еден кој ја примил вакцината и кој посочува дека тие се појавиле само неколку минути по аплицирањето. Вели дека почувствувал чудно трпнење на брадата и устата, кое траело дури 28 часа, но дека нема други знаци.
Веднаш по овие неколку случаи, Министерството за здравство на Израел апелира оние кои имаат симптоми на пареза фацијалис, да не ја примаат и втората доза.
Од крајот на декември, кога започна вакцинацијата во Израел досега прва доза примиле повеќе од повеќе од 2 милиони здравствените работници, студентите по медицина, вработените во домовите за стари лица, како и функционерите од власта. Втората доза од вакцината ја примиле околу 200.000 луѓе.
