Истражувачкиот извештај кој го нарачало водството на Американската женска фудбалска лига (NWSL) открило раширено сексуално вознемирување на играчките од страна на нивните тренери.
Во објавениот документ на 172 страници наведени се бројни случаи на непримерно однесување, како и емоционално и физичко злоставување на фудбалерките.
Овластената независна истражна комисија изјави дека делата се од системски карактер кој е длабоко вкоренет во американскиот женски фудбал, како и во лигата на младите категории.
„Злоставувањето во NWSL е длабоко вкоренето во американскиот женски фудбал, нормализирајќи вербално навредливо тренирање и бришејќи ги границите меѓу тренерите и фудбалерките“, стои меѓу другото во извештајот.
„Екипите, лигата и Американскиот фудбалски сојуз не само што секогаш одново реагирале кога се соочиле со поплаки од играчките и докази за злоставување, туку, исто така, не преземеле основни чекори тоа да го спречат и решат“, се додава во извештајот.
Сторителите често не биле казнувани, а по злоставувањето можеле непречено да им се приклучат на нови тимови, и никој во фудбалската управа, лигата или сојузот не барал од тренерите да се поправат, се додава во извештајот.
Истрагата, во којашто истражителите спровеле разговори со повеќе од 200 фудбалерки, вклучително и многу репрезентативки на САД, ги нарачала NWSL по минатогодишната лавина од обвинувања од страна на фудбалерките.
