Нова мистериозна смрт-рускиот тајкун Александар Суботин пронајден мртов, се „лекувал“ со отров од жаба

Уште еден руски тајкун умре под мистериозни околности, што е петти ваков случај од почетокот на инвазијата врз Украина од крајот на февруари. Станува збор за милијардерот Александар Суботин (43), поранешен извршен директор на енергетскиот гигант „Лукоил“.
Извор од полицијата изјавил дека прелиминарната причина за смртта на Суботин е срцев удар, но медиумите пишуваат дека милијардерот наводно побарал помош од шаман за да се „излечи од мамурлак“.
Наводно, олигархот, сопственик на бродската компанија, бил лекуван со отров од жаба, кој бил ставен во засек направен на неговата кожа. Набргу потоа доживеал срцев удар, по што добил седатив од валеријана, пренесува Daily Mail.
Следното утро, тој бил пронајден мртов од шаманите Магуа Флорес (вистинско име Алексеј Пиндјурин) и Тина Кордоба (вистинско име Кристина Теихриб), според локалните медиуми.
Парот наводно ги третирал клиентите така што повикувал духови, жртвувал животни и ги капел во крв на петли. Тие минатата година биле обвинети дека злоупотребувале шминкер и блогер за време на патување во Мексико.
На истражителите им кажале дека Суботин им бил пријател и негирале дека го подложиле на шамански ритуали за пари.

Суботин е пронајден мртов во подрумот на куќата на шаманот во Митишчи, град северно од Москва, пишува руската агенција ТАСС.
Според руски медиуми, милијардерот отишол кај шаманот во состојба на „тешка интоксикација со дрога и алкохол“.
Суботин беше член на одборот на директори на Трговската куќа Лукоил ДОО, а потоа стана сопственик на Нова транспортната компанија (НТК) на брегот на Финскиот залив. Неговиот брат Валериј, кој исто така има водечка позиција во „Лукоил“, ја предводеше компанијата во 2020 година.
Смртта на Суботин е една од низата мистериозни смртни случаи меѓу деловните луѓе во Русија во последните неколку недели. Критичарите на Путин велат дека случаите би можеле да бидат и убиства.
Руските медиуми пишуваа и за смртта на четворица милијардери и директори поврзани со рускиот гасно-нафтен гигант „Гаспром“, кои умреа во периодот по нападот на руските војници врз Украина.
Во првиот случај се работи за милионерот Владислав Авајев (51), функционер на Кремљ кој прво ги уби сопругата и ќерката, а потоа си го одзел животот. Тој имаше водечка позиција во „Газпромбанк“, која беше основана за да му служи на „Гаспром“.
Потоа, неколку дена подоцна, Сергеј Протошења беше пронајден обесен во Шпанија, откако наводно со секира ги убил сопругата Наталија и ќерката тинејџерка Марија. Тој беше заменик-претседател на „Новатек“, компанија блиска до Кремљ.
Александар Тјулаков, функционер на „Газпром“, бил пронајден мртов ден по војната во Украина, а телото го открила неговата љубовница. Пронајден е обесен во својот луксузен стан. Извештаите велат дека тој бил жестоко претепан пред „да си го одземе животот“.
Три недели претходно, во истата станбена населба беше пронајден мртов и шефот за транспорт на „Гаспром инвест“. Имал повеќе убодни рани и бил најден на подот во бањата во локва крв.

ПОВРЗАНИ НАПИСИПОВЕЌЕ ОД АВТОРОТ