Новиот градоначалник на Штип, Иван Јорданов, се откажува од службените возила, но и идните функционери под локалната самоуправа, за да се скратат непродуктивните трошоци за време на криза.
„Од денес и јас како градоначалник и идните функционери под локалната самоуправа, директори на јавните претпријатија нема да користат службени возила. На овој начин истите возила ќе ги ставиме во функција на службите на Општина Штип за да бидат сервис на граѓаните. Со ова ги кратиме непродуктивните трошоци, но и ја подобруваме функционалноста на општината“, изјави Јорданов за Телевизија Мнет.мк.
Дали имало злоупотреба од претходното раководство на службените возила дополнително ќе се утврдува.
