Премиерката на Нов Зеланд, Џасинда Ардерн, себе си и на министрите ќе ги намали платите за 20 проценти во текот на следните шест месеци, во услови на пандемија на коронавирус, јави германската агенција ДПА.
Таа најави намалување на платите и за шефовите на јавните служби.
– Станува збор за челници. Ако постои момент за надминување на јазот меѓу разни позиции, сега е тој момент, рече таа на денешната прес-конференција.
Премиерката појасни дека нема намалување на платите за вработените во јавните служби на првата линија, полицајците и здравствените работници.
Ардерн годишно заработува околу 247 илјади евра, а министрите околу 165 илјади евра.
На Нов Земалд од новиот коронавирус се заразени 1.386 лица, а деветмина се починати.
