Американскиот весник The New York Times (NYT) ги тужеше технолошкиот гигант „ Microsoft“ и „OpenAI“, компанијата која стои зад популарниот чет-бот за вештачка интелигенција (AI) ChatGPT, тврдејќи дека се прекршуваат авторските права, бидејќи, како што тврди, неовластено користење на неговите објавени трудови за целите на обуката за вештачкаѕа интелигенција.
NYT во средата поднесе тужба во Њујорк, тврдејќи дека двете споменати компании незаконски ги користеле написите и истражувањата на весникот за да создадат производи со вештачка интелигенција кои сега му конкурираат.
„Преку Bing Chat на Microsoftт (неодамна преименуван во „Copilot“) и ChatGPT на OpenAI, обвинетите се обидуваат да ја искористат огромната инвестиција на The Times во своето новинарство користејќи ја за создавање заменски производи без дозвола или плаќање“, се вели во тужбата на издавачот.
„Оваа тужба има за цел да ги принуди (обвинетите) да одговараат за милијардите долари законски и стварни штети коишто ги должат за незаконско копирање и користење на единствените вредни дела на The Times“, се вели во документот.
Веб-страницата за технолошки вести The Verge ја цитираше портпаролката на OpenAI, Линдзи Хелд, која вели во изјава испратена по електронска пошта дека „тековните разговори со The New York Times биле продуктивни и напредуваат конструктивно, па затоа сме изненадени и разочарани од ваквиот развој на настаните“.
Калифорнискиот старт-ап OpenAI го привлече вниманието глоблно со својот текстуален робот ChatGPT, развиен со поддршка од Microsoft, кој може да одговори на прашања со есеи, поезија, компјутерски код и друга содржина. Неговото објавување во 2022 година го привлече вниманието на напредокот во вештачката интелигенција и поттикна дебати за можните последици.
