Грчките портали вчера објавија дека грчката полиција детално ги прегледува снимките од крвавата пресметка на Бад Блу Бојс со навивачите на АЕК. Порталот Њузит наведува дека во продолжение на истрагата заедно со навивачите на Бад Блу Бојс и Панатинаикос ќе бидат сослушани и навивачите на АЕК кои учествувале во конфликтот.
„Вечерњи“ доби 10-минутно видео на кое се прикажани детали пред, за време и по тепачката, а според нивната реконструкција, Кацурис наводно бил убиен од навивач на АЕК.
Пред два дена видеото, иако скратено, беше прикажано и на фан страната „Hooligans.cz Official“, додека „Вечерњи“ наведува дека е дел од полициското досие и дека јасно е дека немало хрватски навивачи во конфликт кој му претходел на убиството.
Сè започнува во 23.03, кога на видеото се гледа навивач во бордо кошула (наводно убиецот) и навивач во сина кошула (несреќниот Михалис).
За тоа време камерата ги следела и двајцата и во 23.08 часот било забележано дека трчаат заедно по тепачката со навивачите на БББ и Панатинаикос и дека тука најверојатно дошло до инцидентот.
Конечно, во 23 часот и 32 минути, цели 24 минути по кобниот настан, брзата помош дошла да го земе повредениот млад човек.
