Јеромонахот Прохор од Цетинскиот манастир, кој е во ингеренции на СПЦ, починал од компликации на Ковид 19, соопшти Црногорско—приморската митрополија. Во соопштението пишува дека отец Прохор Јосифов починал по кратко и тешко боледување предизвикано од инфекција на новиот коронавирус, објави порталот Религија.мк
Отец Прохор е по потекло од Македонија, а во Цетинскиот манастир бил замонашен на 29 октомври 2010 година.
Роден е 1977 година во Кочани, Република Македонија, крстен со името Душан. Богословија завршил во Скопје, каде и студирал на Богословскиот факултет. Како ѓакон бил ракоположен во Брегалничката Митрополија.
Последните години во Цетинскиот манастир ја извршувал должноста економ на манастирот, како и манастирски свештенослужител.
Бил погребан вчера.
