![benzin-gorivo-960x628](https://i0.wp.com/netpress.com.mk/wp-content/uploads/2022/06/benzin-gorivo-960x628.jpg?resize=696%2C455&ssl=1)
Регулаторната комисија за енергетика, водни услуги и услуги за управување со комунален отпад на РСМ (РКЕ), донесе Одлука со која се врши зголемување на малопродажните цени на нафтените деривати во просек за 1,36% во однос на одлуката од 15.1.2024 година.
Малопродажните цени на бензините ЕУРОСУПЕР БС-95, ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,50 ден/лит, додека малопродажната цена на Екстра лесното масло за домаќинство на (ЕЛ-1) се зголемува за 1,00 ден/лит.
Од 23.1.2024 година од 00:01 часот максималните цени на нафтените деривати ќе изнесуваат: ЕУРОСУПЕР БС – 95 78,00 (денари/литар), ЕУРОСУПЕР БС – 98 80,00 (денари/литар), ЕУРОДИЗЕЛ БС (Д-Е V) 75,00 (денари/литар) Екстра лесно 1 (ЕЛ-1) 74,50 (денари/литар), мазут М-1 НС 41,732 (денари/килограм).
Малопродажната цена на Мазутот М-1 НС се намалува за 0,209 ден/кг.
Референтните цени на нафтените деривати на светскиот пазар во споредба со претходната пресметка бележат зголемување, во просек: кај бензините за 2,733%, кај дизелот за 3,253%, кај екстра лесното масло за 2,343% и кај мазутот намалувањето е за 1,289%.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,551%, соопштија од РКЕ.