До натпреварот против Минесота на домашен терен, Мавс имаа четири триумфи во низа, ама загубија од најдобриот тим на Западот со 101-119. Дончиќ го заврши мечот со 39 поени, 13 асистенции и 6 скока за нешто повеќе од 39 минути на теренот. Повторно немаше соодветна поддршка од соиграчите бидејќи Лајвли постигна 15, а Данте Егзум 14 поени. Кобна беше последната четвртина во која Далас снема сили и ги загуби тие 12 минути со 19-32.
Рид ја предводеше Минесота со 27 поени, а Карл Ентони Таунс оствари моќен дабл-дабл со 21 поен и 17 скока. Минесота се наоѓа на челната позиција на Западот со една победа повеќе од Денвер, но и три натпревари помалку од актуелниот шампион.
