Кандидатот за воен претставник на земјава во НАТО, полковник Зоран Секуловски, една година од номинацијата не доби безбедносен сертификат од Aлијансата, па Македонија и ден-денес нема соодветен кадар за тоа место. Иако oд Алијансата не доби преодна оцена, за министерката за одбрана, којa го предложи, тој бил одличен уште во 2019 година, кога претседателот Стево Пендаровски го прифатил нејзиниот предлог и го испратил полковникот како главен македонски воен претставник во седиштето на НАТО.
Она кога дури после вториот мандат како Министер сфаќате дека сте згрешиле што не почитувате процедури и закони, но сепак релативизирате и не сакате да понесете одговорност за бламажата на сопствената држава.
Ден 23 – Оставка! pic.twitter.com/SgHGBFdQoO
— Драган Ковачки (@Kovacki1) February 8, 2021
Министерката засега не прифаќа лична одговорност за скандалот во кој е откриено дека Секуловски, но и уште еден македонски претставник се безбедносна закана за НАТО поради контакти со ривалски/непријателски служби/држави на алијансата по што тие се вратени дома.
