Еден од најтрадиционалните турнири во мал фудбал во нашата земја стигна до самата завршница. Имено, турнирот „Оливер Соколов-Сокол“, денеска ќе го добие победникот на деветнаесеттото издание.
Поради големиот интерес за следење на натпреварите на Меморијалниот турнир, љубителите на добриот фудбал низ цела Македонија натпреварот за третото место ќе може да гo следат преку на официјалниот youtube канал на турнирот, а финалниот натпревар ќе може да го следaт со директен пренос на државниот радиодифузен сервис (МРТ 3).
Натпреварот за титулата ќе го одиграат Гостилница Кај Џек и Хоризонт.
