Новак Ѓоковиќ ќе остане во Австралија до понеделник и ќе го чека исходот на жалбата што неговиот адвокатски тим ја поднесе по одлуката на Владата да не му дозволи влез во земјата.
Судот во Викотрија ќе одлучува во понеделник дали најдобриот светски тенисер ќе игра во Мелбурн на Австралија опен, или ќе биде депортиран.
Novak Djokovic legal bid adjourned until Monday, just a week before the first match in the Australian Open. Djokovic will remain in Australia over the weekend @theage https://t.co/JFIM93UKGQ
— Paul Sakkal (@paulsakkal) January 6, 2022
По голготата што ја мина во импровизираниот простор за имигранти на аеродромот во Мелбурн, каде дури му беше одземен и телефонот, на Ѓоковиќ му беше доволено да се смести во „Парк хотел“ во Мелбурн се до понеделник кога Федералниот суд ќе одлучи дали ќе добие виза за влез во земјата, или ќе мора да се врати дома.
Новак доби медицинска потврда од независна медицинска комисија дека има причина да не се вакцинира, а е поврзана со неговото здравје, но и тоа не беше доволно за властите во Австралија, кои му ја поништија визата за влез во земјата.
Ѓоковиќ е актуелен шампион на гренслемот во Австралија и апсолутен рекордер на Австралија опен со 9 титули.
Ако игра и по јубилеен десетти пат го освои турнирот ќе стане најтрофејниот тенисер на сите времиња со 21 гренслем титула, но за тоа клучна ќе биде одлуката на Федералниот суд на Австралија во понеделник.
