Првичните резултати од испитувањата на вакцината против новиот коронавирус која ја развија Универзитетот Оксфорд во соработка со британско-шведската фармацевтска компанија „AstraZenecа“ упатуваат на тоа дека таа резултира со силен имунолошки одговор меѓу постарата популација кој се смета за најризична во оваа пандемија, објави во понеделникот весникот The Financial Times.
На западот сметаат дека оваа вакцина ќе претставува пресвртница во справувањето со новиот коронавирусот SARS-CoV-2, кој досега во светот уби повеќе од 1,15 милиони луѓе, ја девастираше светската економија и го запре нормалното функционирање и животот на луѓето ширум светот.
Таканаречената „окфсордска вакцина“ поттикнува имунолошки одговор, резултира со создавање антитела и Т-клетки кои успешно се борат со коронавирусот меѓу припадниците на повозрасните старосни групи, пишува весникот, повикувајќи се на информации од две лица запознати со резултатите од испитувањето.
Според неименуванит извори на The Financial Times, резултатите од имунолошките анализи на крвта на учестниците во тестирањеот ги повторуваат резулатите добиени по примањето на вакцината од лица на возраст меѓу 18 и 55 години. Имено, крвните тестови спроведени во подгрупата на повозрасните учесници во истражувањето се совпаѓаат со податоците објавени во јули, кои покажале дека вакцината генерирала „силна имунолошка реакција“ во груипата на здрави возрасни лица на возраст од 18 до 55 години.
Од Оксфорд и од „AstraZeneca“ сѐ уште не реагирале на барањето на агенцијата Reuters да ги коментира резултатите.
Се очекува дека поединостите од испитување наскоро ќе бидат објавени во некој стручен медицински магазин, но Тhe Financial Times не неведува за која публикација станува збор.
„Доколку тие имаат податоци кои покажуваат дека вакцината генерира добар имунитет кај возрасната група над 55 години и дека (употребата на вакцината) е исто така придружена со добар одговор (на организамот) дури и кај постарите луѓе, сметам дека ова е ветувачки сигнал“, оценува професорот по вирусологија на Универзитетот Нотингем, Џонатан Бол.
Весникот истакнува дека позитивните тестирања на имуногеноста, способноста за поттикнување имунолошки одговор, не гарантираат дека на крајот вакцината ќе се покаже безбедна и ефикасност кај повозрасните лица. Тоа ќе биде познато само откако ќе бидат анализирани сите податоци за тестирањето за оваа возрасна група.
Оксфордската вакцина
На Запад вакцината која ја развиваат „АstraZeneca“ и Универзитетот Оксфорд се смета водечко во трката за производство на вакцините за Covid-19, и покрај напредните фази од тестирањата и позитивните резултати од истражувањета во Русија и во Кина.
Третата фаза од клучните испитувања на вакцината на „AstraZeneca“, во моментов е во тек во Велика Британија, Бразил, Индија, Јужна Африка, Јапонија, а наскоро повторно ќе започне во САД, откако веќе претходно двапати беше прекинувано поради смрт на учесниците во тестирањето.
Во секој случај, се очекува оваа вакцина да биде едно од првите кои ќе ги добијат фармацевтските компании кои ќе ги добијат одобрувањата од регулаторните тела за широко пласирање на глобалниот пазар, заедно со кандидатите што ги развиваат „Pfizer“ и „BioNTech“.
Извршниот директор на „AstraZeneca“, Паскал Сорио, во јуни рече дека вакцината веројатно ќе пружа заштита околу една година.
Вакцината наречена „ChAdOx1 nCoV-19“ односно AZD1222, како и рускиот конкурент „Спутник V“ е развиена на веќе позната платформа, односно со користење на вирусот на обична настинка наречен аденовирус кој е земен од шимпанзо, а потоа се избришани околу 20 отсто од неговите „инструкции“. Тоа значи дека вакцината не е можно да биде реплицира или да предизвика болест кај луѓето. Ја развија научниците од Универзитетот Оксфорд, а во април го одобрија во „AstraZeneca“, компанија која ја презема работата со оптимазацијата на тестирањата и производството.
Компанијата досега потпиша неколку договори за производство и снабдување со компании и влади ширум светот, имајќи предвид дека се наближува периодот на објавување на извештаите за прелиминарните резултатите од крајната фаза од клиничките испитувања.
Ризичните групи ќе ја добијат вакцината уште додека е во последната фаза од испитувањето
Како што пишува во понеделникот британскиот весник The Sun, на персоналите во болниците во Лондон му било кажано да биде подготвен за примањето на првата серија од „Оксфордската вакцина“. Весникот пренесува дека на вработеините во болниците, чии имиња не се наведуваат, им било кажано да се подготвуваат за вакцинирање „во седмицата која започнува на 2-ри ноември“.
Оваа информација за весникот The Daily Mail ја потврдил Адријан Хил, директор на оксфордскиот институт „Jenner“, кој во развојот на вакцината соработува со производителот на препаратот „AstraZeneca Plc.“. Професорот Хил потврдил дека итното одобрување на вакцината ќе им овозможи на најзагрозените групи да ја добијат вакцината додека таа сѐ уште е во последната фаза од испитувањата. Потоа ќе следи финалното одобрување за масовна употреба, што значи дека остатокот од популацијата би можел да ја добие вакцината од почетокот на 2021 година.
Адријан Хил кој го предводи научниот тим за развој на вакцината, призна дека тво тек е трка со времето, но инсистира дека навистина е можно вакцинирањето да започне пред католички Божик. Во тек е производството на милијарди дози од вакцината во десет фабрики ширум светот во погоните на „AstraZeneca“.
„Би бил многу изнанаеден доколку пандемијата не стивне до крајот на пролетта, барем во Велика Британија…, ќе дојдеме до фазата која ќе го постигнеме имунитетот на стадото преку вакцинирање“, оптимист е професорот Хил.
Двете фази од клиничкото истражување потврдија дека „Оксфордската вакцина“ е безбедна и предизвикува силен одговор на имунитетот. Третата фаза која е во тек е поодмината, а во неа се потврдува нејзината ефикасност и безбедност, односно дали има негативни последици врз здравјето. Со неа се опфаќаат десетици илјади испитаници и може да траат неколку години.
Следната критична фаза во процесот на испитување на вакцината ќе биде „разоткривањето“ на резултатот од испитувањето, кога ќе бидат објавени резултатите од истражувањата над испитаниците кои ја примиле вакцината во однос на волонтерите кои примиле плацебо.
Сѐ дотогаш никој од учесниците, па дури ни членовите на научниот тим нема да знаат кој примил вакцината а кој плацебо. Професорот Хил истакнува дека „разоткривањето“ ќе се случи многу скоро, но регулаторите во многу земји имаат различни барања кои мора да се исполнат пред одобрувањето на вакцината.
Научниот тим планира да побара итно одобрување за загрозените пациенти врз основа на привремените резултати додека сѐ уште се спроведуваат испитувањата. Привремената дозвола ќе биде само за итна употреба, а не за одобрување за масовна употреба, истакнува Хил.
Регулаторите сакаат да имаат повеќе податоци за безбедноста и можеби ефикасноста на вакцината пред да дадат дозвола за масовна употреба на вакцината. Приоритите во оваа земја се многу јасни. Ќе ги вакцинираме само ризичните лица пред да ги вакцинираме младите, способни и здрави лица кој се помалку ризични. Мислам дека тоа ќе го сторат повеќето земји. Значи, за оваа година бараме одобрувањето за итно користење на вакцината, за најзагрозените а потоа на почетокот на следната година за сите други.
Професорот Хил сугерира дека податоците добиени на мал примерок од само 20 случаи би можеле да понудат статистички докази дали вакцината е ефикасна, но дека тоа можеби нема да биде доволно за одобрување во сите земји. Американската агенција за храна и лекови, на пример, инсистира на 150 заразени пациенти пред да ги прифати резултатите од испитувањето.
