Потсекретарот за хуманитарни прашања и координаторот за итни случаи на Обединетите нации (ОН), Том Флечер во понеделникот се сретна со командантот на новата сириска влада Ахмад ал-Шар и новоименуваниот премиер Мохамед ал-Башир, на разговори за зголемување на хуманитарната помош за земјата.
Генералниот секретар на ОН, Антонио Гутереш, по состанокот изјави дека ја поздравува посветеноста на привремената влада за заштита на цивилите, вклучително и хуманитарните работници.
„Исто така, го поздравуваме нивниот договор да се овозможи целосен хуманитарен пристап до сите гранични премини, да се стави крај на бирократијата околу дозволите и визите за хуманитарните работници, да се обезбеди континуитет на основните владини услуги, вклучително здравството и образованието, и да се вклучи во вистински и практичен дијалог со пошироката хуманитарна заедница“, рече Гутереш.
Гутереш ја повика меѓународната заедница да се собере зад сирискиот народ кој „ја зграпчува можноста да изгради подобра иднина“.
Обединетите нации објавија дека на седум од десет луѓе во Сирија сè уште им е потребна хуманитарна помош.
Флечер планира да ги посети и Либан, Турција и Јордан, изјави портпаролот на ОН, Стефан Дужарик.
