Војната меѓу Русија и Украина е една од глобалните кризи кои предизвикале најголем раст на трошоците за живот во една генерација, тврдат од Обединетите нации.
Генералниот секретар на ОН, Антонио Гутереш, изјавил дела светот се „нова стварност“ три месеца по почетокот на украинската војна, за којашто, како што тврди, „ги засилува последиците од климатските промени, Covid-19 и кризата на нееднаквост во светот“.
Околу 1,6 милијарди луѓе во 94 држави тешко се изложени на најмалку една димензија од кризата, според извештајот на Глобалната група за одговор на кризи (GCRG) во врска со украинската војна.
„За луѓето ширум светот, војната, заедно со другите кризи, се заканува дека ќе покрене невиден бран на глад и сиромаштија, оставајќи општествен и економски хаос зад себе“, рече Гутереш на прес-конференцијата во средата по њујоршко време претставувајќи го споменатиот извештај.
Според него, ниедна земја нема да остане недопрена од кризата поради животни трошоци.
„Луѓето ширум светот ќе се соочат со глад и трошоците за енергијата остро ќе растат, додека приходите на многу работници ќе се намалат“, рече Гутереш.
Повикувајќи се на извештајот, челникот на светската организација рече и дека во последните две години се удвоил бројот на луѓето за коешто е загрозено снабдувањето со храна.
„Моменталната прехранбена криза би можела брзо да се претвори во прехранбена катастрофа со глобални размери во 2023 година“, предупреди Гутереш.
