Телекомуникацискиот оператор ОНЕ донира пакети со храна на хуманитарната организација `Хилал`, во пресрет на најголемиот муслимански празник, Рамазан Бајрам и по повод едномесечниот Рамазански пост.
Пакетите се наменети за 120 социјално загрозени семејства и истите содржат основни прехранбени артикли како масло за јадење, шеќер, брашно, ориз, тестенини, сол.
Во име на телекомуникацискиот оператор ОНЕ, донацијата ја предаде Директорот за маркетинг и односи со јавност, Виктор Доневски.
– И оваа, како и минатата година ОНЕ донира пакети за социјално загрозените семејства со цел да им овозможи достојно да го прослават најголемиот муслимански празник Рамазан Бајрам. Рамазанското време е време на добрина и дарување, а ОНЕ е компанија која секогаш им помага на ранливите категории на граѓани`, изјави тој.
