Транспарентност и отчетност беа едни од главните “нови зборови” на Заев и СДСМ со кои се бореа за власт, но и сега ги слушаме како редовно се “расфрлаат” со нив. Но, само на збор се “јаки” и штом нешто кажат, лажат! Така и со транспарентноста и отчетноста. Општините под раководство на луѓето од криминално-рекетарската банда на Заев, ги зголемиле трошоците, постапките се нетранспарентни, си трошаат како сакаат, немаат (и не ги интересира) како се реализираат проектите за кои ги трошат државните пари, пишува на Фејсбук генералниот секретар на ВМРО-ДПМНЕ, Игор Јанушев.
Во објавата тој наведува дека најмногу јавни пари преку нетранспарентна постапка имаат потрошено град Скопје – 556.000 евра и општина Центар – 173.000 евра.
-Во 2018 година се склучени и 27 договори за јавна набавка без објавување оглас, во вкупна вредност од 778.000 евра. Исто така, општините во Скопскиот регион склучиле договори за јавни набавки во вкупна вредност 38,4 милиони евра, што е зголемено во споредба со минатата година за 3,41 милиони евра. Во скопскиот регион поништени се вкупно 254 постапки. Ова се дури 23,6% од набавките, или речиси секоја четврта постапка. Овој удел на поништување на постапките во 2018 година е највисок процент на поништување во периодот 2013-2017 година. Загрижувачки е и фактот што во 2018 година поголем број на општините немаат воспоставен систем за следење на реализацијата на склучените договори. И можеби се ќе беше во ред, да видевме дека нешто се прави, дека во нешто се инвестира, дека се подобрува животот на граѓаните. Но, важно на “прав пат” сме. И сме, на прав пат да ја смениме и пратиме во историја оваа криминално-рекетарска и најнеспособна власт, пишува Јанушев на Фејсбук.
