Со симболичното стегнување на завртките на новите шини во присуство на неколку илјади граѓани од двете страни на границата, премерот на Унгарија, Виктор Орбан, и претседателот на Србија, Александар Вучиќ, во понеделникот го одбележаа почетокот на работите на обновувањето на железничкот правец меѓу Суботица на северот на српската покраина Војводина и јужниот унгарски град Сегедин.
По градењето на овој важен патен правец овие два погранични региона, како што истакнале Орбан и Вучиќ, ќе станат развоен јазол за туризмот, трговијата и зближување на унгарската и српската култура и народи.
Унгарскиот премиер Виктор Орбан притоа повторил дека Србија одаман требало да стане членка на Евроспката унија.
„Сите добро знаеме дека Србија е портата на Балканот и клучната земја за безбедноста на Европа. Вистина е и дека знаеме дека Србија веќе со години е подготвена за влегување во ЕУ“, рекол Орбан на свеченоста кај местото Хоргош, близу српско-унгарската граница.
Зборувајќи за пругата којашто ќе ги спојува двата големи града во соседните држави, Орбан, исто така, истакнал дека таа претставува „симбол на соработката и заедничкиот напредок на Унгарија и Србија, Унгарците и Србите кои градат заедничка иднина“.
Српскиот претседател Александар Вучиќ истакнал дека обвновениот железнички правец ќе ги зајакне економските, културните и пријателски врски меѓи Србија и Унгарија, како и меѓу Србите и Унгарците, пренесува агецијата Танјуг.
„Граѓаните и стопанството ќе имаат дриректе пристап до пристаништето Баја на Дунав и пристаништето Сегед на Риса, како и до логистичките центри во Војводина и Белград. Пругата Суботица – Хрогош ќе биде приклучена на брзата пруга Белград – Будимпешта, со што корисниците добиваат пристап до југоистокот и северозападот на Европа“, навел Вучиќ.
Идејниот проект за реконструкција на пругата во должина од 27 километри го финансираше ЕУ во рамките на ИПА програмта Унгарија – Србија, додека Србија издвои 86,7 милиони евра преку кредит од OTP банката и од буџетот. Завршувањето на работите на пругата, на којашо возовите би можеле да достигнуваат брзина од 120 километри на час, се очекува кон поливината на ноември 2022 година.
Пругата е изграден во далечната 1885 година, како дел од тогаш значајната железничка магистрала Баја – Суботица – Сегед, Сообраќајот по неа беше целосно запрен во 2015 година кога со неа се користеа мигрантите за масовно влегување во Унгарија. Као и по должината на целото погранични подрачје, Унгарија тогаш преку шините постави ограда и бодликава жица.
