Унгарскиот премиер Виктор Орбан пристигна во официјална посета на Босна и Херцеговина, при што ќе се сретне со државни и ентитетски претставници, јавува Анадолија.
На платото пред зградата на институциите на Босна и Херцеговина се одржа свечен прием.
Орбан беше пречекан од претседавачот на Советот на министри на Босна и Херцеговина, Борјана Кришто.
По свечениот пречек, предвидена е средба на делегациите на Советот на министри на Босна и Херцеговина и на Владата на Унгарија, по што изјави за медиумите ќе дадат Кри[то и Орбан.
Предвидени се и средби со членовите на Претседателството на Босна и Херцеговина и со премиерот на Федерацијата Босна и Херцеговина, Нермин Никшиќ.
ПРОЧИТАЈТЕ И: Претседателот на Куба во посета на Србија
Унгарскиот премиер ќе оствари средба и со членовите на колегиумот на Претставничкиот дом и Домот на народите на Парламентарното собрание на БиХ.
Освен Сараево, Орбан треба да ја посети и Бања Лука.
