Секогаш кога станувало збор како да се помогне на компаниите и на стопанството, ВМРО-ДПМНЕ е партија којашто во Комисиите давала свои предлози, дали преку амандмани, дали преку вакви јавни дебати каде што сме давале свои предлози за полесно надминување на последиците од здравствената криза односно рефлектирањето на финансиската криза, нагласи Иван Јорданов, пратеник од ВМРО-ДПМНЕ и Коалиција „За обнова на Македонија“ при своето гостување во „Вин вин“ на телевизија Телма.
„Она што е клучно е дека тоа што го видовме изминатиов период, четирите пакет мерки кои то беа директно насочени кон компаниите беа прогресирани на некаде ако не се лажам околу една милијарда евра директна помош која што неефектуираше во тој износ. Напротив, сведоци сме дека компаниите искористија некаде околу 300 милиони евра. Што само по себе говори дека забелешките што опозицијата ги имала во текот на изминатиов период биле на место“, додаде Јорданов.
Оцени дека власта популистички најавуваше дека ќе го подржува стопанството, ќе ја поддржува економијата, а на крај од сето тоа ветено скоро ништо не се исполни.
„Во делот на поддршката од страна на пратениците од ВМРО-ДПМНЕ за клучните закони и кои што се однесуваат директно на стопанството, јас ве уверувам дека ВМРО-ДПМНЕ секогаш е во интерес на граѓаните, и секогаш ја давала поддршката на клучните закони, истакна Јорданов.
