Отказ од работа, според првичните информации од јавното обвинителство, е причината 53-годишниот жител на Боговиње со неколку куршуми да го застрела и убие градоначалникот на општина Боговиње, Хазби Идризи.
Според првични информации, на јавното обвинителство, осомничениот Ќани Абази го паркирал своето возило во непосредна близина на општинската зграда и се упатил кон бурекџилницата од спротивната страна каде во тој момент седел градоначалникот.
По кратка расправија со него, осомичениот испукал неколку куршуми од пиштол. Идризи бил префрлен во тетовскиот клинички центар, каде им подлегнал на повредите.
Осомничениот пак, на пат кон дома пукал во себе. Со сериозни повреди веднаш бил однесен на скопските клиники, каде и тој починал.
Во Боговиње денеска никој не сакаше да зборува. Меѓу селаните кружат информации дека зад ова стојат несогласувања меѓу двајцата.
Имено, градоначалникот пред извесно време му дал отказно решение на осомничениот, кој инаку во општината работел триесетина години. Сепак, официјални и точни информации за трагедијата ќе даде истрагата.
Увидот е завршен, подигнати се траги и доказен материјал,а телото на градоначалникот е предадено за обдукција.