Овој викенд 19 тима на ВМРО-ДПМНЕ распоредени низ цела Македонија ќе посетат 120 населени места, ќе остварат контакт со илјадници наши сограѓани и ќе ја пренесат пораката за промени и новата надеж која Македонија ќе ја има со ВМРО-ДПМНЕ, велат од партијата.
-Акцијата „Ова е Македонија за сите“ е најопсежната теренска активност која некогаш е направена во Македонија.
19-те наши тимови ќе разговараат со илјадници наши сограѓани, ќе ги ислушаат нивните проблеми и предизвици, ќе подадат рака за заедно да се избориме со ненародната власт на ДУИ и СДС.
Денеска 6 години откако СДС и ДУИ се на власт, народот живее полошо, посиромашно и понедостоинствено од кога и да било порано.
Со СДС и ДУИ Македонија трпи само удари и порази, затоа потребни се промени, а промените ќе ги донесе ВМРО-ДПМНЕ.
Акцијата покрај овој викенд, продолжува и во текот на цел месец мај, за време на сите викенди, додаваат од ВМРО-ДПМНЕ.
