Подготен сум во иднина да работам за сите оние коишто го сакаат Прилеп, порача во четвртокот вечерта кандидатот за градоначалник на Прилеп од редовите на ВМРО-ДПМНЕ, воедно и иден градоначалник на истиот град, др. Борче Јовчески на трибината за промоција на политики организирана од најголемата партија во Македонија
„Кога се согласив да бидам кандидат за градоначалник на нашиот град, прва идеја ми беше и во иднина да продолжам да работам со истиот ентузиазам и да допридонесувам за сите кои го сакаа Прилеп, за сегашните и идните генерации. Сум имал можност да го напуштам градот, но тоа не одговара на мојот карактер. Моето мото е дека каменот си тежи на местото! Зарем има поубаво место за еден прилепчанец, од местото во кое се родил, низ чии улици пораснал, низ чии школски клупи другарувал, од местото во кое живеел и дејствувал? Јас сум сигурен дека нема! Можеби сите не размислуваат вака, но сепак според мене најдобро е кога работиш и се ангажираш за своите сограѓани. И да знаете ќе имаме многу за работа. Кога велам многу, мислам на наредните 4 години, мислам на многу непреспиени ноќи изработувајќи, реализирајќи проекти, настани, инвестиции и заеднички успеси! Затоа што Прилеп и прилепчани го заслужуваат тоа“, истакна др. Јовчевски.
Меѓу другото вети дека прва негова задача како градоначалник ќе биде да се направи еден пресек, една ревизија на целокупното работење во минатите 4 години на локалната самоуправа и јавните претпријатија.
„И како што велиме ние во Прилеп, за да имаме чиста сметка и долга љубов, прва задача ќе биде да се направи еден пресек, една ревизија на целокупното работење во минатите четири години на локалната самоуправа и јавните претпријатија. Мора да се знае каде бил потрошен секој еден денар од граѓаните, буквално секој денар. Тоа мора да биде така, не само за да бидеме отчетни и за да почнеме од нула, туку за и ние да имаме намус, што би рекле моите пријатели од Канатларци, односно, да можеме и по четори години, повторно да ја побараме вашата поддршка за чесното и наменско трошење на буџетски средства“, рече др. Јовчевски.
За себеси рече дека не е човек кој ветува нешто што е неостварливо.
„Не сум човек што го ветува тоа што е неостварливо, а најмалку сум човек што би излажал за нешто дека ќе биде реализирано, ако не сум целосно убеден дека тоа е изводливо. Сакам мојот мандат да биде мандат со ДЕЛА, а не со празни ветувања и зборови. Затоа не ЈАС, туку сите ВИЕ ќе правите мои програми кои ќе бидат и ваши изаеднички. Ова ќе биде така, затоа што вашите проблеми се и мои проблеми, вашите проекти се и мои проекти, а воедно со тоа и успехот ќе биде заеднички за сите нас. Она што ќе го ветиме во нашата програма, максимално ќе се потрудиме да го реализираме“, рече Јовчевски.
Посочи дека е недозоливо во 21-от век Прилеп „да се дави во смет, да не бидат функционални новите прескапи автобуси и да се прашуваме дали прочистителната станица работи или не“.
Доктор Јовчевски истакна дека е голем вљубеник во природата, и вети дека ќе залага Прилеп да стане зелена оаза, а вети и дека ќе ги намали бирократските лавиринти.
„Јас како голем вљубеник во природата, најискрено би се залагал Прилеп да стане зелена оаза, град со многу зеленила, пракови и места каде што секој граѓанин би ги уживал благодетите од природата“, рече во продолжение Јовчески.
