Северна Кореја веднаш ќе изврши воен напад како одговор на секоја провокација, порача во неделата Ким Јо Џонг, влијателната и моќна сестра на севернокорејскиот челник Ким Џонг-ун.
Забелешките доаѓаат откако војската на Јужна Кореја соопшти дека Северна Кореја истрелала повеќе од 60 артилериски ракети во близина на нивната спорна поморска граница во саботата, по повеќе од 200-те истрелани ден претходно.
Северна Кореја повторно истрелуваше гранати во неделата, објави јужнокорејската службена новинска агенција Yonhap, цитирајќи ја јужнокорејската војска.
„Јас повторно јасно ставам до знаење дека безбедносното копче на орозот на Корејската народна армија (KPA) е веќе повлечено“, рече Ким Јо Џонг во изјавата што ја пренесе државната новинска агенција KCNA.
„Како што веќе беше најавено, Корејската народна армија ќе изврши моментален воен напад доколку непријателот направи макар и мала провокација“, порача Ким, употребувајќи го официјалното име на севернокорејската војска.
Иако Јужна Кореја во петокот имаше свои вежби на море како одговор на артилериските школки, агенцијата Yonhap пренесува дека Сеул нема планови да ги повтори маневрите о повторат сторат тоа по настаните во саботата.
Лансирањето на прокетилите во петокот ги натера властите да ги предупредат жителите на пограничните острови на Јужна Кореја да се засолнат во засолништата, иако нема извештаи за проектили кои паднале преку морската граница.
Во изјавата, Ким негира дека Северна Кореја извела стрелба на десетици гранати во саботата и рече дека бил активиран експлозивот како измама.
Војската на Јужна Кореја ја отфрли нејзината изјава како „психолошка војна на ниско ниво“, повикувајќи ја Северна Кореја да ги прекине воените активности кои ги зголемуваат тензиите во близина на границата.
