Активноста во јапонската економија се намали посилно во првиот квартал од претходно проценетото, соопшти владата во вонредното соопштение во понеделникот, укажувајќи на пад на нарачките во градежниот сектор.
Јапонскиот бруто домашен производ (БДП) е намален во периодот од јануари до март за 0,7 отсто во однос на претходните три месеца, покажуваат новите владини пресметки. Претходната проценка покажа пад на активноста за 0,5 отсто.
Оваа објава, инаку, не беше планиран во официјалниот календар на владата.
Годишната стапка, која покажува колку се намалил или колку се зголемил БДП-то од пред една година, под претпоставка за истото тримесечно темпо на активност, во првиот квартал изнесуваше минус 2,9 отсто. Претходните пресметки покажаа пад на активноста од 1,8 отсто во 12-те месеци до крајот на јануари.
Побарувачката во градежниот сектор е значително послаба отколку што покажаа претходните проценки, посочуваат од владата, повикувајќи се на податоци од Министерството за просторно планирање, инфраструктура, транспорт и туризам.
Инвестициите во приватни станови се намалени во периодот од јануари за 2,9 отсто, пресметаа тие, речиси половина процентен поен посилно отколку што пријавија пред еден месец.
Државните трошоци, пак, се намалени за 1,9 отсто. Претходните пресметки покажаа раст од 3,0 отсто.
На крајот на минатата година, според новите пресметки, БДП стагнира во однос на летниот квартал кога се намали за еден процент.
