Во долгото изведување на докази од страна на обвинителката Елизабета Јосифивска таа изнесе неколку докази поврзани со бегството на првоосомничениот за убиството на Вања и Панче, Љупчо Палевски Палчо во Турција каде наводно заминал на операција.
Обвинителката изнесе податоци за пропуштените повици и анализирани комуникации преку различни платформи, вклучувајќи WhatsApp, Фејсбук и Вибер. Според доказите кои ги презентираше обвинителката, планот на Палевски бил од Турција, преку Белорусија, да замине за Русија. На 2 декември додека е Палевски во Турција му се јавува на домаќинот Хусеин и му вели резервирав лет за Минск, Белорусија. На 5 декември додека сѐ уште е во Турција му праќа вибер порака на извесен Драган, во која му вели дека ќе доаѓа во Москва, и бара да му обезбеди превоз од Аеродром на 5 декември.
Исто така обвинителката тврди дека кога Палевски бил екстрадиран за Македонија со себе имал големо количество на опрема, хард дидкови, неколку УСБ и слушалки.
Претходно, на 27 ноември, денот на киднапирање на Вања, во 8 часот и 3 минути Палчо ѕвони на турски број и повикот трае 9 секунди. Првиот повик на истиот ден го има во 10 часот и 45 минути, кога извсен Геге му се јавува и го вика на кафе, на што Палевски одговара дека не може, многу е уморен.
Во периодот меѓу 27 ноември и 1 декември 2023 година, обвинетиот не остварил разговори со никого освен со Влатко Кешишев и Стефан Димковски, додека на Телеграм биле забележани најмногу разговори.
