Папата Франциск оцени дека војната во Украина ја обележуваат „силите на злото“ бидејќи зад себе остава ужаси како што е масакрот на цивили. Ова го порача пред учесниците на меѓурелигискиот аџилак на солидарност со украинскиот народ во Черновци во западна Украина, организиран од Меѓуверскиот институт-Илија од Израел.
„Сегашниот момент не остава длабоко вознемирени бидејќи е обележан со силите на злото“, рече Папата во пораката прочитана во негово име. „Страдањето нанесено на толку многу кревки и беспомошни луѓе, многуте убиени цивили и невините жртви меѓу младите, очајното страдање на жените и децата… Сето ова ја мачи нашата совест“, додаде тој.
Папата, кој постојано повикува на прекин на конфликтот, истакна дека не е можно да се остане рамнодушен и дека мора одлучно да се зборува и да се замоли во името на Бога да запрат овие ужасни дела.
На состанокот на аџилакот, поранешниот надбискуп на Кентербери Роуан Вилијамс го повтори неодамнешниот повик на Папата за прекин на огнот за Велигден. На собирот присуствуваа Евреи, Хиндуси, Муслимани, Будисти и припадници на други религии.
