Скандалозните набавки на Владата, никако да стивнат, а се чини дека последниот тендер за набавка на 20.000 шишиња со лубрикант за „Здружението на граѓани Еднаквост за геј и лезбејки-ЕГАЛ Скопје“, што според некои груби проценки би чинело околу 100.000 евра, народни пари, ја прелеа чашата на секакво рационално расудување.
Додека стратешки се потенцира важноста на лубрикантите во превенција од ХИВ вирусот, болни деца умираат поради немање пари да се лекуваат. Иако е секогаш тажно да се споредуваат вакви случаи со неразумното трошење јавни пари на тоталлно неприоритетни работи, револтира фактот што скандалозно се трошат пари во услови кога на граѓаните не им се решаваат елементарни прашања со кои ќе им се подобри квалитетот на животот.
Ете, очигледно не се приоритетни многу животи, како и животот на Ева Крстаноска, девојче од Пештани, кое почина кон крајот на август, бидејќи родителите не успеаа да соберат пари за лекување. Таа цела година се бореше со многу редок вид на леукемија и неопходно беше веднаш да замине на операција во Германија.
Владата решила да и помагне на невладината со набавка на лубриканти, додека на социјалните мрежи граѓани секојдневно молат за пари за лекување на своите деца. Последен пример за тоа е 14-годишниот Кристијан Андреев, момче кое боледува од тежок облик на аутизам и епилепсија. Закажани се три сесии – операции на матични клетки во Истанбул, Турција кои ќе чинат 38.600 евра.
Со видео порака во која замолува за помош на социјалните мрежи излезе и сестричката на Кристијан.
Здраво, јас сум Јована Андреева. Мојот батко се вика Кристијан, има аутизам и сакаме ние да му правиме во Турција операција, но мама и тато немаат доволно пари, затоа сакам вие добри чичковци и тетки да донирате пари, за бато да ми дојде на роденден, да не ме штипе и да не ме кубе. Фала ви многу, чао, вели во пораката малата Јована.
Гневот кај јавноста е голем особено што власта јасно и арогантно покажува дека го изубила чувството за приоритетни потреби на граѓаните, без притоа да покаже одговорност за своите постапки.
За овој случај дури имаше и официјално објаснување дека на невладината и снемало лубриканти што ги делела заедно со кондомите, а ова е значаен проект со кои граѓаните треба се штитат од ХИВ вирусот и сексуално преносливи болести. А, токму во тој процес, од министерството за здравство појаснија дека клучни била соработката на државата со невладините организации.
Се поставува прашањето колку е приоритетна само оваа група на граѓани за кои се грижи оваа невладина? На сексуално преносливи болести се подлежни и сите, а особено едукација и бесплатни кондоми им се потребни на сите ученици и на студенти, кои не мора да спаѓаат во групата што припаѓа на ЛГБТ заедницата.
Лубрикантите се набавија, но не и учебници на учениците кои веќе два месеци имаат настава без комплетирани учебници.
Изгледа дека министерството е повеќе заинтересирано за лубриканти, иако се’ уште има големи проблеми со реагенси и апарати за испитувања во лабараториите во македонското здравство.
Невладината за која владата набавува лубриканти постои од 2004 година. А, според информации во централниот регистар, претседател на здружението е Зоран Јорданов.
Во 2014, оваа невладина организирала фестивал на ЛГБТ лицата наречен „Ѕуница“. На постерот за овој фестивал, заштитно лице бил сегашниот пратеник а тогашен нивни активист, Павле Богоевски.
Токму за случајот со лубрикантите, раперот Bizzy, објави песна насловена „Канти лубриканти“.