ЈП „Билјанини извори” започна наплата на паркинг по повисоки цени кои важат за летниот период. Во строгиот центар паркирањето од еден час останува со истата ланска цена и ќе чини 100 денари.
Цената на еден час паркирање на јавните паркиралишта ќе изнесува 30 денари во зона Б, 40 денари во зона А и 100 денари во зона премиум.
Ваквата одлука ја донесе Советот на Општина Охрид за утврдување на цени за користење на паркинг-просторот во летниот период според сезонска тарифа на јавните паркиралишта во градот.
Овој ценовник ќе важу до 1 септември.
